दिव्यांग व्यक्तींनी पुणेकरांचे प्रदर्शनातून वेधले लक्ष
दिव्यांग व्यक्ती, त्यांच्यासाठी काम करणार्‍या संस्था आणि सामान्य नागरिक यांच्यात परस्पर संवाद, सहकार्य निर्माण करण्याचा उद्देश या प्रोत्साहन प्रदर्शनाच्या माध्यमातून पूर्ण होताना दिसत आहे. एरंडवणा येथील मनोहर मंगल कार्यालयात पुण्यातील एका मैत्रिणींच्या गटाने दिव्यांग व्यक्तींसाठी प्रोत्साहन 2017 प्रदर्शन भरवले आहे. दिव्यांग व्यक्तींच्या कल्पकतेतून तयार झालेल्या विविध वस्तू माफक दरात याठिकाणी मिळत आहे. या उपक्रमाचे हे पंधरावे वर्ष आहे. विशेष म्हणजे दिव्यांग मुलींनी पोळी लाटुन, भाजी चिरुनही उपस्थितांना उद्धाटनप्रसंगी दाखविली.
