कोळसा खाण खचली, 7 कामगारांचा मृत्यू, 40 जण ढिगार्‍याखाली
भोडाय कोळसा खणीत काम सुरु होतं. मात्र यावेळी जमीन खचल्याने एकच खळबळ उडाली. खणीत अनेक कामगार ढिगार्‍याखाली दबले. त्यापैकी 7 मृतदेह बाहेर काढले आहेत, तर आणखी 40 कामगार दबल्याची भीती आहे. त्यामुळे मृतांचा आकडा वाढण्याची भीती आहे. कामगारांशिवाय मोठी यंत्रसामुग्रीही ढिगार्‍याखाली दबली आहे. यामध्ये 20 वोलबो, एक डोजर, सहा पोकलेन, एक बोलेरोचा समावेश आहे. सध्या एनडीआरएफने बचावकार्य सुरु केलं आहे.कोळसा खाणीत जमिनीत आत 200 फुटांवर काम चालू होतं. त्यामुळे या अपघाताची तीव्रता किती भयानक असेल, याचा अंदाज येऊ शकेल. या दुर्घटनेमुळे झारखंडवर दु:खाचं सावट आहे.
