‘बापमाणूस’ मालिकेत योगिता चव्हाणची एंट्री

अहमदनगर : बापमाणूस या झी युवावरील मालिकेमध्ये अभिनेत्री योगिता चव्हाणने एंट्री केली आहे. गावठी या मराठी चित्रपटातून योगिताने सुरुवात केली. योगिता ही बापमाणूस मालिकेत शालू या आदिवासी मुलीचे पात्र साकारत आहे. शालू ही सूर्या आणि गीता यांच्या लव्ह स्टोरीमध्ये प्रमुख भूमिका बजावणार आहे. तिच्या एन्ट्रीमुळे या मालिकेत लव्ह ट्रँगल प्रेक्षक अनुभवू शकणार आहेत. शालूच्या येण्यामुळे मालिकेला नवीन वळण आले आहे, आणि प्रेक्षकांना हे पाहणे रंजक ठरेल.