वृक्षारोपण करून केला वाढदिवस साजरा

जामखेड / ता. प्रतिनिधी 
तालुक्यातील नान्नज येथील अरशिया शेख या चिमुकलीचा तीसरा वाढदिवस वृक्ष लागवड व गरीब कुटुंबातील बालचमुंना मिठाई वाटप करुन, उत्साहात साजरा करण्यात आला.
जामखेड तालुक्यातील नान्नज गावचे रहिवासी व दै. लोकमंथनचे जामखेड तालुका प्रतिनिधी समीर शेख यांची कन्या अरशिया हिचा तीसरा वाढदिवस शेख कुटुंबीयाच्या एका वेगळ्या संकल्पनेतून साजरा करण्यात आला. वाढदिवसाचे औचित्य व शासनाचा 1 जुलै ते 31 जुलै हा वृक्षमास या संकल्पपुर्तीमध्ये खारीचा वाटा याविचाराने त्यांनी आपल्या एकुलत्या एक कन्येचा वाढदिवस वृक्ष लागवड व समाजातील गोरगरीब कुटुंबातील चिमुकल्यांना मिठाई वाटून सर्वांसमवेत साजरा केला, तसेच तीसर्‍या वाढदिवसानिमित्त 30 वृक्ष लागवड करून, त्यांची संगोपन व जोपासना करण्याचा संकल्प शालेय लहान विद्यार्थ्यांच्या माध्यमातुन वृक्ष लागवड करून व वृक्षाचे महत्त्व सांगून पुर्ण केला. यावेळी महाराष्ट्र राज्य मराठी पत्रकार संघाचे जामखेड तालुका अध्यक्ष लियाकत शेख, नंदू परदेशी, ग्रा. सदस्य अनिल भोसले, संदिप सोनवणे, जावेद शेख, विजय साठे, अवि गायकवाड, राम साठे, रमेश भवाळ, बाबुराव साठे, सतिश जगताप यांच्यासह परिसरातील मित्रपरिवार आणि बालचमु उपस्थित होते. सर्वांनी यावेळी केक कापून अरशियास वाढदिवसाच्या भरभरून शुभेच्छा दिल्या.