विरभद्र विद्यालयात वृक्षारोपण सोहळा उत्साहात

कोपरगाव ता. प्रतिनिधी  

तालुक्यातील दहिगाव बोलका सामाजिक, शैक्षणिक व आरोग्य सेवा ट्रस्टचे अध्यक्ष कै. भगवंत कुलकर्णी यांच्या स्मृतीदिनाचे औचित्य साधून येथील विरभद्र विद्यालयात वृक्षारोपण कार्यक्रम पार पडला. अध्यक्षस्थानी बाणूबाई ट्रस्टचे अध्यक्ष बाबासाहेब खिलारी होते.

प्रारंभी विद्यालयाचे शिक्षक सोनवणे यांनी प्रास्तविक केले. विद्यालयाच्या साक्षी माळी आणि मनिषा काकडे या विद्यार्थिनींनी इंग्रजीतून, ऋषिकेश काकडे याने हिंदीतून भाषणे केली. निकिता काकडे हिने ‘बाप’ नावाची कविता सादर करत कै. कुलकर्णी यांना आदरांजली वाहिली. संस्थेचे सचिव अर्जुन बागल, छन्नुदास वैष्णव, दिनेश जोशी, मुख्याध्यापीका साळवे, धोत्रे शाळेचे मुख्याध्यापक केरेसर, मंजुषा कुलकर्णी, नंदकुमार पाटील, दिवाण यांची यावेळी भाषणे झाली. यावेळी संस्थेचे अध्यक्ष माणिक देशमुख, सदस्य सुभाष वलटे, दत्तात्रय देशमुख, बाबासाहेब वरकड, संजीवनी पतसंस्थेचे संचालक बाळासाहेब वलटे, भास्कर वलटे, गोरक्षनाथ वलटे, सदाशिव वलटे, गुलाब देशमुख, विनायक देशमुख, बाबासाहेब वलटे, प्रगती कुलकर्णी, सायली कुलकर्णी आदींसह विद्यार्थी उपस्थित होते. कार्यक्रमाप्रसंगी विलास कुलकर्णी आणि प्रमोद कुलकर्णी यांच्यावतीने विद्यार्थ्यांना खाऊ वाटप करण्यात आला. सूत्रसंचालन कल्पना वलटे यांनी केले. विशाल काकडे यांनी आभार मानले.