मराठा समाजातील विद्यार्थी विद्यार्थिनींसाठी औंध आयटीआयमध्ये सुरू होणार वसतिगृह
मराठा समाजाच्या मागणीनुसार प्रत्येक जिल्ह्यात मराठा समाजातील विद्यार्थी विद्यार्थिनींसाठी वसतिगृहे उभारण्यात येणार आहेत. पुण्यात सध्या ‘सारथी’ संस्थेच्या अंतर्गत पुण्यातील औंधमधील औद्योगिक प्रशिक्षण संस्थेच्या परिसरातील इमारतीत मुलींसाठी हे वसतिगृह सुरू करण्यात येणार आहे. सुमारे ४५० चौमी क्षेत्रफळात ही इमारत असून सध्या येथे ९ खोल्या निवासासाठी उपलब्ध आहेत. तसेच वसतिगृह अधीक्षकांसाठी एक, जेवणाच्या हॉलसाठी एक खोली उपलब्ध आहे. तसेच ८ स्वच्छतागृहे व ८ स्नानगृहे आहेत. सुमारे ५० मुलींच्या राहण्याची येथे व्यवस्था करण्यात येणार असून त्यासाठी पलंग, गादी, टेबल खुर्ची आदींची सुविधा उपलब्ध करून देण्यात येणार आहे.
