नंदू परदेशी यांना राज्यस्तरीय पुरस्कार

जामखेड ता. प्रतिनिधी - तालुक्यातील नान्नज येथील नंदू परदेशी यांना एन् टी व्ही न्यूज मराठी महाराष्ट्र या वृत्तहिनीचा सन २०१८ या वर्षाचा राज्यस्तरीय आदर्श प्रतिनिधी हा पुरस्कार मिळाला. याबद्दल परदेशी यांचा एन्. टीव्ही न्युजचे जामखेड टीम फारूक शेख, दत्तराज पवार आदींनी सत्कार केला. जामखेडचे व्यापारी व सामाजिक कार्यकर्ते संजय कोठारी यांच्यावतीने जामखेड टिमचा सत्कार करण्यात आला. 

एन टी व्ही न्युज मराठी या वाहिनीचा वर्धापनदिन दि. ५ मे रोजी अहमदनगर येथे साजरा करण्यात आला. यावेळी तालूका प्रतिनिधी नंदू परदेशी यांना राज्यस्तरीय आदर्श पत्रकार पुरस्काराने सन्मानित करण्यात आले. रिपाइंचे जिल्हाध्यक्ष सुनील साळवे, शिवसेनेचे तालुकाध्यक्ष शहाजीराजे भोसले, महाराष्ट्र राज्य ग्रामीण पत्रकार संघाचे जामखेड तालुकाध्यक्ष समीर शेख, शिवसंग्राम संघटनेचे जिल्हाध्यक्ष अमजद पठाण, भाजपचे नान्नज शहराध्यक्ष डॉ. सर्जेराव मोहळकर, मनोज कोळपकर, संदेश हजारे, नितीन कोरडे, प्रशांत कोळपकर, अमर चाऊस, आदम शेख आदींनी शुभेच्छा दिल्या. सूत्रसंचालन लियाकत शेख यांनी केले. संजय कोठारी यांनी आभार मानले.