काबूल : घनघोर गृहयुद्धाच्या झळा सोसणारा अफगाणिस्तान बुधवारी शक्तिशाली तिहेरी आत्मघाती हल्ल्यांनी हादरला. राजधानी काबूल व परिसरातील दोन पोलीस ठाण्यांना निशाण्यावर ठेवून हे नियोजनबद्ध हल्ले करण्यात आले होते. 'इसिस'ने जबाबदारी घेतलेल्या या हल्ल्यात २ पोलिसांचा मृत्यू झाला असून, अनेक जण जखमी झाले आहेत. काबूलमध्ये तिहेरी बॉम्बहल्ले झाल्याने परिसरात एकच खळबळ माजली आहे. त्यामुळे पोलिसांनी तत्काळ घटनास्थळी तगडा पोलीस बंदोबस्त तैनात करून नाकेबंदी केली आहे.
