अकोल्यात दीड लाखाची अवैध दारू जप्त

अकोला, दि. 10, मे - रामदास पेठ पोलीस स्टेशन अंतर्गत येणार्‍या रेल्वे स्टेशन परिसरात पोलिसांनी केलेल्या नाकाबंदी दरम्यान स्वीफ्ट गाडीत 1 लाख 40 हजाराची विदेशी दारू अवैधरित्या वाहतूक करताना मिळून आल्याने पोलिसांनी दारू जप्त करून आरोपी अजय खरात 43 रा. भीम नगर अकोला याला अटक केली आहे.

आरोपी अजय खरात यांच्याकडून पोलिसांनी 1 लाख 40 हजाराची विदेशी दारू आणि स्विफ्ट गाडी जप्त केली. या प्रकरणी रामदास पेठ पोलिसांनी आरोपी विरुद्ध विविध कलमान्वये गुन्हा दाखल केला आहे.