भांड यांनी खरेदी केले महंत रामगिरींचे अर्कचित्र!

श्रीरामपूर येथील तुळजा फाउंडेशन आणि सद्गुरु गंगागिर महाराज भक्त परिवाराच्यावतीने आयोजित भागवत कथा सांगता सोहळ्याप्रसंगी व्यंगचित्रकार रवी भागवत व भरतकुमार उदावंत यांनी सरला बेटाचे महंत रामगिरी महाराज यांचे हुबेहुबे अर्कचित्र रेखाटले. या चित्राचा लिलाव करून त्यापोटी येणारी रक्कम सराला बेटाच्या गोशाळेसाठी मदत म्हणून देण्याचे ठरले. 

देवळालीप्रवरा येथील चैतन्य उद्योग समुहाचे अध्यक्ष गणेश भांड सर्वाधिक ११ हजार रुपयांची बोली करून रेखाटलेले चित्र खरेदी केले. सदर अर्कचित्र राज्याचे विरोधी पक्षनेते राधाकृष्ण विखे, महंत रामगिरी महाराज, माजी मंत्री अण्णासाहेब म्हस्के, आ. सुधीर तांबे, कार्यक्रमाचे आयोजक करण ससाणे यांच्या हस्ते भांड यांना प्रदान करण्यात आली. यावेळी राजेंद्र लोंढे, वैभव गिरमे, प्रमोद रहाणे, श्रीकांत जाधव आदी उपस्थित होते.