रस्ता अपघातात एक ठार ; दोन जखमी
बेलापूर येथील लग्नसमारंभ वणी येथे होता. हा विवाह समारंभ आटोपून पवन अग्रवाल, धीरज अग्रवाल, रोहित साळुंके हे तिघेजण मोटार सायकलवरुन घरी परतत होते. विंचुर फाट्यानजीक चार चाकी वाहनाने त्यांच्या मोटार सायकलला जोरदार धडक दिली. यात पवन अग्रवाल हा जागेवरच मयत झाला. तर रोहित साळुंके व धीरज अग्रवाल हे गंभीर जखमी झाले. मयत पवन अग्रवाल याच्या पश्चात आई, वडील, भाऊ, भावजय असा मोठा परिवार आहे. जनसेवा पंतसस्थेचे लिपिक गणेश अग्रवाल यांचा तो धाकटा बंधू होता.