मणिपूरमध्ये स्फोटात 2 जवान शहीद

इंफाळ - सीमा सुरक्षा दलाच्या (बीएसएफ) मुख्यालयाजवळ आयईडी स्फोट झाल्याची घटना बुधवारी दुपारी घडली आहे. मणिपूरमधील इंफाळ-दिमापूर रोडवर बुधवारी संशयित दहशतवाद्यांकडून बॉम्बस्फोट घडवून आणल्याने सीमा सुरक्षा दलाचे (बीएसएफ) 2 जवान शहीद झाले. बीएसएफच्या मुख्यालय परिसरात असलेल्या एका स्टोअरमध्ये दुपारी दिड वाजता आयईडी स्फोट झाला. यात बीएसएफच्या संजय तिर्के आणि एन. एन. मीतेई यांच्या शरिराचा खालील भाग छिन्नविछिन्न झाल्याची माहिती बीएसएफच्या निवेदनात देण्यात आली. यानंतर त्यांना तात्काळ रिम्स रुग्णालयात दाखल करण्यात आले, मात्र गंभीररित्या जखमी झाल्याने त्यांचा मृत्यू झाला.