महापुरुषांच्या पुतळयाभोवतीची अतिक्रमणे हटवा अन्यथा आंदोलन
येत्या १४ एप्रिल रोजी महामानव भारतरत्न डॉ. बाबासाहेब आंबेडकरांची जयंती साजरी होणार आहे. त्यासाठीची तयारी म्हणून अनेक आंबेडकर अनुयायी याठिकाणी येत असतात. तसेच याठिकाणी विविध सांस्कृतिक कार्यक्रमांचे आयोजन व विचारांची देवाण घेवाण होत असते. यावेळी अशा अनधिकृत अतिक्रमणधारकांचा, फेरीवाले, टपरीधारकांचा अडथळा निर्माण होत असतो. पालिका प्रशासन आयत्यावेळी अशा सणांच्या आधी येऊन हि अतिक्रमणे हटविण्याचा केविलवाणा प्रयत्न करत असते. परंतु काही दिवसांतच ही अनधिकृत फेरीवाले, टपरीधारक पुन्हा नव्याने येऊन आपली बस्तान मांडत असतात. आज याविषयी कायमस्वरूपी कारवाई करण्यासंबंधीचे निवेदन संगमनेर शहर शिवसेना अध्यक्ष अमर कतारी त्याचबरोबर सिद्धार्थ दारोळें, किसनराव वाकचौरे आदींसह कार्यकर्त्यांनी दिले.
