बसस्थानकाजवळील रोहित्र अचानक पेटले!

शहरातील वर्दळीच्या ठिकाणी असलेल्या बसस्थानकजवळील चौकातील आज {दि. ३} दुपारी रोहित्राला अचानक आग लागली. यामुळे परिसरात काही वेळ घबराट परसरली. दरम्यान, एस. टी. महामंडळाच्या अधिकारी व कर्मचारी यांनी माहिती मिळताच अग्निशमन उपकरणाच्या साहाय्याने ही आग विझविण्यात आली. यावेळी सुदैवाने अप्रिय घटना घडली नाही.
शहरातील वर्दळीच्या ठिकाणी असलेल्या कमानीजवळ जिजाऊ चौकातील या रोहित्राने पेट घेतला. त्याठिकाणी असलेल्या लोकांनी माती टाकून विझविण्याचा प्रयत्न केला. मात्र आग विझविण्यात अडथळे आल्याने एस. टी. डेपोतून अग्नीफायर आणून आग विझविण्यात आली. दरम्यान, परिसरातील नागरिकांनी चौकात मोठ्या प्रमाणात गर्दी केली.