मिरजगाव शाळेचे मंथन प्रज्ञाशोध परीक्षेत यश

कर्जत तालुक्यातील मिरजगाव येथील जि. प. प्राथमिक शाळेतील विद्यार्थ्यांनी मंथन प्रज्ञाशोध परीक्षेत घवघवीत यश संपादन केले. मंथन प्रकाशनाच्या वतीने घेण्यात आलेल्या प्रज्ञाशोध परीक्षेत प्रज्वल किरण मिटकरी याने 200 पैकी 176 गुण मिळवून तालुक्यात प्रथम, जिल्ह्यात 11 वा, तर राज्यात 12 वा क्रमांक मिळवला. हर्षवर्धन अमोल निंबोरे याने 154 गुण मिळवून केंद्रात दुसरा, तालुक्यात तिसरा, जिल्ह्यात 22 वा तर राज्यात 23 वा क्रमांक पटकावला.

हर्षद भूषण तागड याने केंद्रात 3 रा, जिल्ह्यात 30 वा, तर राज्यात 31 वा क्रमांक प्राप्त केला. सर्व यशस्वी विद्यार्थ्यांचे परिसरातून अभिनंदन केले जात आहे. या विद्यार्थ्यांना वर्गशिक्षिका वनिता जगताप, मुख्याध्यापक रविंद्र शिंदे, प्रविण सरोदे तसेच कुसूम पवार यांचे मार्गदर्शन लाभले.