आयुक्त बनसोड यांच्या कुटुंबावर काळाचा घाला

अमरावती, 27 - माहिती आयुक्त दत्तात्रय बनसोड यांच्या कुटुंबावर काळाने घाला घातला आहे. कर्नाटकच्या कारवारमध्ये त्यांच्या वाहनाला भीषण अपघात झाला.

या अपघातात दत्तात्रय बनसोड, त्यांच्या पत्नी अलका, ड्रायव्हर आणि मुलगा पंकज यांचा दुर्दैवी मृत्यू झाला. तर मुलीची प्रकृती गंभीर असून तिच्यावर हुबळीच्या केईएम रूग्णालयात उपचार सुरू आहेत. आज दुपारी कारवारवरून हुबळीला जात असताना दत्तात्रय बनसोड यांची कार झाडाला आदळल्यामुळे हा अपघात घडला. बनसोड यांच्या निधनामुळे प्रशासकीय वर्तुळात हळहळ व्यक्त केली जाते आहे. एक मनमिळाऊ आणि कर्तव्यदक्ष अधिकारी अशी दत्तात्रय बनसोड यांची ओळख होती.