मक्का मशीद स्फोट प्रकरण : स्वामी असीमानंदांसह 5 आरोपींची निर्दोष सुटका

हैदराबाद : मक्का मशीद बॉम्बस्फोटप्रकरणी सोमवारी विशेष न्यायालयाने अंतिम निर्णय देत स्वामी असीमानंदासह 5 आरोपींची सबळ पुराव्या अभावी न्यायालयाने निर्दोष मुक्तता के ली आहे. हैदराबादमधील मक्का मशीदीतील 18 मे 2007 रोजी झालेल्या बॉम्बस्फोट हल्ल्यात नऊ जणांचा मृत्यू झाला होता, व 58 जण जखमी झाले होते. त्यानंतर स्वामी असीमानंदासह अनेकांना अटक करण्यात आल्यामुळे खळबळ उडाली होती. याप्रकरणी 10 जणांविरूद्ध आरोपपत्र दाखल करण्यात आले होते. या स्फोटानंतर आंदोलन करणा़र्‍या जमावाला पांगवण्यासाठी पोलिसांनी गोळीबार केला होता. यात आणखी 5 जणांचा मृत्यू झाला होता. या प्रकरणात एकूण 160 साक्षीदार होते. हैदराबाद बॉम्बस्फोटांमध्ये 10 आरोपी होते. हे सर्व जण अभिनव भारत या संघटनेशी संबंधित आहेत. स्वामी असीमानंद, देवेंद्र गुप्ता, लोकेश शर्मा उर्फ अजय तिवारी, लक्ष्मणदास महाराज, मोहनलाल रतेश्‍वर व राजेंद्र चौधरी अन्य चार जण या प्रकरणात आरोपी होते. आरोपी रामचंद्र कालसांगरा आणि संदीप डांगे हे दोघे अजूनही फरार आहेत. तर सुनील जोशींचा गोळीबारात मृत्यू झाला होता.
एनआयएच्या नामपल्ली येथील विशेष न्यायालयातील सुनावणी पूर्ण झाल्यानंतर सोमवारी निकाल घोषीत करण्यात आला. या प्रकरणी 10 जणांविरुद्ध आरोपपत्र दाखल क रण्यात आले होते. त्यापैकी पाच आरोपींविरोधी खटल्याचा आज निर्णय देण्यात आला. पुराव्याअभावी सर्व आरोपींना न्यायालयाने निर्दोष घोषित केले आहे. एनआयए विशेष न्यायालयाच्या निर्णयावर असामाधान व्यक्त करत एमआयएम नेते असदुद्दीन ओवैसी यांनी एनआयए तपास यंत्रणेवर प्रश्‍नचिन्ह उपस्थित केले आहे. एनआयएने 2011मध्ये सीबीआयकडून हे प्रकरण स्वतः कडे घेतले होते. या प्रकरणी 10 जणांवर आरोप दाखल करण्यात आले होते. किंबहुना यापैकी पाच जणांना अटक करण्यात येऊन त्यांच्याविरुद्ध खटला चालविण्यात आला. पाच आरोपींमध्ये देवेंद्र गुप्ता, लोकेश शर्मा, स्वामी असीमानंद, भरत मोहनलाल रतेश्‍वर व राजेंद्र चौधरी यांचा समावेश होता. इतर दोन आरोपी संदीप डांगे व रामचंद्र कलसंग्रा फरार होते. तर सुनील जोशी या मध्य प्रदेशमधील आरोपीची तपासादरम्यान हत्या करण्यात आली होती. हैदराबादमधील ऐतिहासिक मक्का मशिदीतील बा ॅम्बस्फोटप्रकरणी न्यायालयाने अखेर 11 वर्षांनंतर निकाल दिला आहे.