शेमफोर्ड इंग्लिश स्कुलचे स्नेहसंमेलन संपन्न

येथील शेमफोर्ड इंग्लिश मेडीयम स्कूलचे स्नेहसंमेलन मोठ्या उत्साहात संपन्न झाले. यावेळी विद्यार्थ्यांनी सादर केलेल्या विविध कलांना उपस्थितांनी उत्स्फूर्तपणे प्रतिसाद दिला. 

शेमफोर्ड मेडीयम इंग्लिश स्कुलच्या प्रांगणात पार पडलेल्या कार्यक्रमासाठी विशाल शिंदे, उद्योगपती दिलीप गुगळे, नगर परिषदचे पाणीपुरवठा समिती सभापती बिभीषण धनवडे, उपनगराध्यक्ष महेश निमोणकर, स्कूलचे अध्यक्ष मा. सरपंच प्रा. कैलास माने, संतोष फिरोदिया, सैनिक बँकेचे संचालक दत्तात्रय सोले, मुकुंद सातपुते, रविंद्र कडलग, वर्षा माने आदी मान्यवरांसह पालक व विद्यार्थी मोठया संख्येने उपस्थित होते.

यावेळी शाळेच्या विद्यार्थ्यांनी सादर केलेल्या सांस्कृतिक कार्यक्रमास उपस्थितीतांना भरभरुन प्रतिसाद दिला. यावेळी विविध स्पर्धामध्ये घेतलेल्या विद्यार्थ्यांना पारितोषिकांचे वितरण करण्यात आले. तसेच पाणी फाऊंडेशनच्या माध्यमातून पाण्याचे महत्व समजावे यासाठी एक नाटकही सादर करण्यात आले. या संपुर्ण कार्यक्रमाचे सूत्रसंचालन रश्मी गंभीर यांनी केले. तसेच बाळासाहेब साळवे, सचिन चव्हाणसह पूर्ण स्टाफ यांनी कार्यक्रम यशस्वी करण्यासाठी प्रयत्न केले.