अमावस्येमुळे शनिशिंगणापूरला भाविकांची गर्दी

सोनई : येथील शनिशिंगणापूरला आजच्या शनिअमावस्येमुळे भाविकांची प्रचंड गर्दी झाली होती. पहाटे शनिदेवाच्या स्वयंभू शिळेला जलाभिषेक करण्यात आला. दिवसभर मिठाईच्या दुकानासह विविध प्रकारच्या खेळण्यांची दुकाने लावण्यात आली होती. भाविकांच्या वाहनांसाठी मुळा कारखाना परिसर, कांगोणी रोड, हनुमानवाडी रोड आदी परिसरात वाहनपार्किंगची व्यवस्था करण्यात आली होती. यानिमित्त येथील हॉटेल्स, लॉजिंग गर्दीने फुलून गेली होती. भाविकांच्या स्नान तसेच राहण्याची देवस्थान विश्वस्त आणि लॉजमध्ये करण्यात आली होती. शिंगणापूर पोलिसांनी परिस्थितीवर नियंत्रण ठेवले.