काळे आणि डॉ. दोडिया यांना साईभूमी गौरव पुरस्कार

कोपरगाव / प्रतिनिधी - तालुका विद्यार्थी सहाय्यक समितीच्यावतीने दिला जाणारा राज्यस्तरीय साईभूमी गौरव पुरस्कार येथील ज्येष्ठ सामाजिक कार्यकर्ते व माहिती अधिकार कार्यकर्ते संजय काळे आणि डॉ. इंद्रवदन दोडिया यांना नुकताच प्रदान कारण्यात आला. परमपूज्य महंत श्री राजधरबाबा महानुभाव, परम पूज्य राघवेंद्रगिरी महाराज उर्फ उंडे महाराज यांच्या हस्ते रविवारी {दि.४} सकाळी अकरा वाजता या पुरस्काराचे वितरण करण्यात आला.

यावेळी कमलिनी सातभाई वाचनालयाच्यावतीने दिला जाणारा माध्यमिक विभागाचा जिल्हास्तरीय आदर्श शिक्षक पुरस्कार प्रवरा माध्यमिक विद्यालय, गळनिंब येथील अनिल लोखंडे, शिर्डीच्या मुख्याध्यापिका श्रीमती जहॉआरा मिरजकर, जिल्हापरिषद प्राथमिक शाळा करंजी बुद्रुकचे मुख्याध्यापक चंद्रकांत माळी, नाटेगाव येथील मिलिंद गुंजाळ यांना सपत्नीक व समारंभ पूर्वक प्रदान करण्यात आला.