अहमदनगर - कल्याण मार्गावर आजपासून शिवशाही धावणार

एसटी महामंडळाच्या तारकपुर आगारामार्फत खास प्रवाशांच्या मागणीवरून अहमदनगर कल्याण महामार्गावर शिवशाही बसेस आज दि. 6 मार्च पासून सुरू होत असल्याची माहिती तारकपूर आगार व्यवस्थापकांनी दिली. या बसेस सकाळी 7.30 ते सायं. 5 वाजेपर्यंत प्रत्येकी 1-1 तासाच्या वारंवारीतेने उपलब्ध होणार आहेत. या बसेस संपुर्णपणे वाताणुकूलीत असून, यामध्ये एलसीडी, पुशबॅक सीट, फायर डिटेक्शन सप्रेशन, मोबाईल चार्जिंग सुविधा, सुरक्षिततेसाठी सीसीटीव्हि कॅमेरे, वायफाय सेवा, जीपीएस सुविधांसह चार आणि सात दिवसांच्या सवलत पासेसची सुविधा तसेच या बसमध्ये प्रौढांसाठी 348 तर लहानांसाठी 180 रू असे प्रवासभाडे आकारले जाणार आहे. तरी या शिवशाही बससेवेचा लाभ प्रवाशांनी घ्यावा असे आवाहन रा. प. अहमदनगर विभागाचे नियंत्रक नितीन मैद तसेच रा. प. तारकपुर आगार व्यवस्थापक यांनी केली आहे.