नक्षलवाद्यांच्या स्फोटात 2 पोलीस गंभीर जखमी

गडचिरोली : गडचिरोली जिल्ह्यात नक्षलवाद्यांनी केलेल्या स्फोटात दोन पोलीस कर्मचारी गंभीर जखमी झाले आहेत. यात एका अधिकार्‍याचाही समावेश आहे. पोलिस निरीक्षक अतुल तावडे आणि हवालदार राजेश चाबर अशी त्यांची नावे आहेत. कोरची पकनाभट्टी इथं नक्षलवाद्यांनी बॅनर लावले होते. हे बॅनर काढायला पोलिसांचा फौजफाटा गेला असता मोठा स्फोट झाला. स्फोटानंतर गंभीर जखमी झालेल्या दोघांनाही उपचारासाठी हेलिकॉप्टरने नागपूरला नेण्यात आले आहे. दरम्यान, या स्फोटासाठी नक्षलवाद्यांनी जुनीच मोडस ऑपरेंडी वापरली आहे. पोस्टर लावून ते काढण्यास पोलीस आल्यास स्फोट घडवणे ही नक्षलवाद्यांची जुनची पद्धत आहे.