डाक विभागात नविन संगणकीय कार्यप्रणालीस सुरवात
यावेळी बोलताना गायकवाड म्हणाले, गेल्या तीन ते चार महिन्यापासून सर्व कामकाज सी.एस.आय. या ऑनलाईन प्रणालीमध्ये रुपांतरीत करण्यासाठी सर्व कर्मचा-यांनी अथक परिश्रम घेतले आहेत. नवीन प्रणाली अवगत होईपर्यत सुरुवातीला कर्मचा-यांना जलद गतीने काम करण्यास अडथळे येऊ शकतात. त्यामुळे ग्राहकांना थोडा त्रास होऊ शकतो. परंतू कर्मचारी वर्ग नवीन प्रणालीशी अवगत झाल्यानंतर सर्व कामे अत्यंत सोप्या पध्दतीने करता येणार आहेत. या नवीन प्रणालीचा उपयोग ग्राहकांना देखील होणार असून संपूर्ण टपालव्यवस्था म्हणजेच रजिस्टर पत्रे, स्पीडपोस्ट मनीऑर्डर इत्यादी सर्व व्यवहार आता ऑनलाईन पध्दतीने होणार असल्याने सध्याच्या व्यवस्थेमधील त्रूटी दूर होऊन ग्रहकांना तत्पर व खात्रीशीर सेवा मिळणार आहे. पोस्टमन देखील आता या प्रणालीमध्ये समाविष्ट करुन घेतले असल्याने टपाल वितरण अत्यंत बिनचूक व विनाविलंब होण्यास मदत होणार आहे अशी माहिती त्यांनी यावेळी दिली.
