'कॉमन सर्व्हीस सेंटर' बनणार 'आपले सरकार सेवा केंद्र' सेवा केंद्र चालकांच्या मनमानीस बसणार आळा
केंद्र शासनाच्या सीएससीच्या मार्गदर्शन सूचनांनुसार राज्य शासनाने 19 जानेवारी 2018 रोजीच्या शासन निर्णयात आपले सरकार सेवा केंद्र स्थापन करण्याबाबतचे निकष, कार्यपध्दती व इतर बाबीबाबत मार्गदर्शक सूचना दिल्या आहेत. या शासन निर्णयानुसार 'आपले सरकार सेवा केंद्रामार्फत' परिशिष्ट क मध्ये नमूद केलेल्या सर्व सेवा नागरिकांना देणे आवश्यक आहे. परिशिष्ट ड मध्ये नमूद केलेल्या विहित नमुन्याप्रमाणे आपले सरकार सेवा केंद्रचा बोर्ड दर्शनी भागात लावणे बंधनकारक असणार आहे. ही केंद्रे अधिसूचित केलेल्या ठिकाणीच चालविणे क्रमप्राप्त असणार आहे. या निर्णयांमुळे जनसामान्यांची सुविधा होणार असून केंद्रचालकांच्या मनमानीस आळा बसणार आहे.
