लोणीत ६० टक्के मुली देताहेत १२ वीची परीक्षा!

प्रवरानगर प्रतिनिधी ;- प्रवरानगर केंद्रावर १२ वीच्या परीक्षेसाठी १ हजार १६१ विद्यार्थ्यांना विनासायास परीक्षा देता यावी, यासाठी अत्यंत उत्कृष्ट नियोज़न करण्यात आले आहे, अशी माहिती केंद्रप्रमुख प्रा. दिगंबर खर्डे यांनी दिली. या केंद्रावर एकूण विद्यार्थ्यांमध्ये तब्बल ६० टक्के मुली १२ वीची परीक्षा देत आहेत.

लोणी येथील पद्मश्री विखे पाटील कनिष्ठ महाविद्यालयातील या केंद्रावर प्रा. प्रकाश विखे, प्रा. विलास खर्डे, प्रा. डॉ. अण्णासाहेब तांबे, प्रा. नंदकुमार दळे, प्रा. परसराम थेटे, प्रा. उज्ज्वल जाधव हे परीक्षा नियंत्रण समितीचे सदस्य काटेकोरपणे लक्ष ठेवून आहेत.

प्रवरा ग्रामीण शिक्षण संस्थेचे अध्यक्ष आणि राज्याचे विरोधी पक्षनेते राधाकृष्ण विखे, जि. प. अध्यक्षा शालिनी विखे, माजी मंत्री अण्णासाहेब म्हस्के, युवा नेते डॉ. सुजय विखे, संस्थेचे महासंचालक डॉ. सर्जेराव निमसे, सहसचिव भारत घोगरे, शिक्षण संचालक डॉ. हरिभाऊ आहेर, माध्यमिक विभागाचे शिक्षणाधिकारी शिवाजी रेठरेकर-पाणिनी आदींनी १२ वीची परीक्षा देणाऱ्या विद्यार्थ्यांना शुभेच्छा दिल्या.