संगमनेर मर्चंटस् बँकच्या मोबाईल बँकींग सेवेचा शुभारंभ.

बँकेचे संस्थापक स्वर्गीय ओंकारनाथजी मालपाणी यांच्या जयंतीचे औचित्य साधून संगमनेर मर्चंटस् बँकेच्या मोबाईल बँकींग सेवेचा शुभारंभ आज संस्थेच्या स्वामी विवेकानंद सभागृहात डॉ. मालपाणी यांच्या हस्ते करण्यात आला. यावेळी उद्धाटक या नात्याने बोलतांना ग्राहक हाच केंद्रबिंदू मानून त्यांच्या सुविधेसाठी अद्ययावत तंत्रज्ञानाचा अचूक वापर करण्यामुळे संगमनेर मर्चंटस् बँक नेहमी प्रगतीपथावर आहे. 

नवीन तंत्रज्ञानामुळे ग्राहकांना समाधानकारक सेवा मिळत असल्याने व्यवहार करण्यास पहिली पसंती ग्राहक बँकेस देत आहेत असे प्रतिपादन शिक्षण प्रसारक संस्थेचे कार्याध्यक्ष डॉ. संजय मालपाणी यांनी आज येथे केले. यावेळी व्यासपीठावर उद्योजक वैभव शहा, डॉ. प्रवीण पानसरे या प्रमुख अतिथीसह बँकेचे प्रमुख मार्गदर्शक ज्येष्ठ संचालक राजेश मालपाणी, चेअरमन प्रकाश राठी, व्हाईस चेअरमन गुरुनाथ बाप्ते मुख्य कार्यकारी अधिकारी ज्ञानेश्वर सूरम आदी उपस्थित होते.