सुमित्रा महाजन यांच्याकडून सरसंघचालकांच्या ‘त्या’ वक्तव्याचे समर्थन

नागपूर : लोकसभा अध्यक्षा सुमित्रा महाजन यांनी शनिवारी नागपुरात बोलताना सरसंघचालक डॉ. मोहन भागवत यांच्या वक्तव्याचे ठाम समर्थन केल्यामुळे राजकीय वर्तुळात आश्‍चर्य व्यक्त करण्यात येत आहे. सीमेवर गरज पडल्यास तीन दिवसात संघ स्वयंसेवकांना तयार करू शकतो, या भागवत यांच्या वक्तव्याचे समर्थन करून महाजन म्हणाल्या, या वक्तव्य मागील भाव तर समजून घ्यायला हवा. प्रसार माध्यमानी हे लक्षात घ्यायला हवे, असे मत व्यक्त केले. काही लोक आणि संघटनांचे स्वातंत्र्य आंदोलनात काय योगदान आहे, असाही प्रश्‍न विनाकारण उपस्थित केले जातात, याकडेही त्यांनी लक्ष वेधले. नागपुरात स्वातंत्र्यवीर सावरकर साहित्य संमेलनाचे उद्घाटन प्रसंगी त्या बोलत होत्या.