महिलांची छेड काढणाऱ्या इसमास अटक

कोरहाळे/प्रतिनिधी : -राहता तालुक्यातील कोरहाळे येथे कपडे धुण्यासाठी आलेल्या महिलांची छेड काढणाऱ्या अनोळखी इसमास राहता पोलिसांनी अटक केली. कोरहाळे येथे सध्या तीव्र पाणी टंचाई आहे. त्यामुळे परिसरातील महिला कपडे धुण्यासाठी शिर्डी बायपास नजिकच्या बंधाऱ्यावर जातात. परंतु गेले तीन महिन्यापासून एक अनोळखी इसम लज्जा उत्पन्न होईल, असे वर्तन करीत होता. यासंदर्भात पोलिसांना माहिती देण्यात आली. त्यानुसार त्याला अटक करण्यात आली. 
दरम्यान, या प्रकरणी सदर इसमास जाब विचारण्याचा काही महिलांनी यापूर्वी प्रयत्न केला. मात्र अश्लिल शिवीगाळ करत तो पळून जायचा. त्यामुळे या महिलांची मोठी कुचंबणा होत होती. महिला बंधाऱ्यावर जाऊन कपडे धूत असतानाच ती अज्ञात व्यक्ती तेथे येऊन नेहमीचाच अश्लिल शिवीगाळ करण्याचा प्रकार करायची. या प्रकाराला कंटाळून एका महिलेने मोठ्याने ओरडून घरातील व्यक्तीस फोन करून बोलावून घेतले. या घटनेची माहिती वाऱ्यासारखी गावात पसरली. २५ ते तीस ३० ग्रामस्थांनी घटनास्थळी येताच हा इसम दुचाकीवरून पळून जायचा. मात्र एकदाचे त्याला पकडण्यात स्थानिक ग्रामस्थांना यश आले आणि त्या इसमाची रवानगी पोलीस कोठडीत करीत आली. यावेळी महिला सरपंचपती बाळासाहेब थोरात, विलास डांगे, रविंद्र कुर्हाडे, सिताराम कुर्हाडे, अजय गोधडे, विजय दरंदले, मछिंद्र गोधडे, सचिन आरने, संजय मुर्तडक आदींसह महिला आणि पुरुष मोठ्या संख्येने उपस्थित होते.