जिल्हा बँकेतील वीजबिल भरणा 1 फेब्रुवारीपासून बंद
सिंधुदुर्गनगरी, दि. 01, फेब्रुवारी - सिंधुदूर्ग जिल्हा मध्यवर्ती सहकारी बँकेच्या सर्व शाखेतील वीजबिल भरणा केंद्रे 1 फेब्रुवारी, 2018 पासून बंद करण्याचा निर्णय महावितरणने घेतला आहे. महावितरणने सर्व वीजबिल भरणा केंद्रे ऑनलाईन करण्याचे ठरविले असून जिल्हा बँकेकडे मागील काही महिन्यांपासून ‘ऑनलाईन’चा पाठपुरावा करुनही सकारात्मक प्रतिसाद न मिळाल्याने कंपनीला नाईलाजास्तव हे पाऊल उचलावे लागले आहे. जिल्हा बँकेशिवाय सहकारी पतसंस्था, महावितरणची वीजबिल भरणा केंद्रे, मोबाईल प व मोबाईल वॅलेट्सच्या माध्यमातून घरबसल्या ऑनलाईन भरणे असे अनेक पर्याय ग्राहकांना उपलब्ध केल्याने वीजग्राहकांची गैरसोय होणार नाही याची दक्षता महावितरणने घेतली आहे.
ग्राहकांनी भरलेल्या वीजबिलाचे पैसे त्यांच्या खात्यावर तात्काळ वर्ग व्हावेत व महावितरणला कंपनीचा महसूल वेळेत मिळावा याकारणांसाठी महावितरणने राज्यातील सर्व वीजबिल भरणा केंद्रे ऑनलाईन केली आहेत. खाजगी पतसंस्था व खाजगी सहकारी बँकांनी ऑनलाईन प्रणाली स्विकारली आहे. मात्र जिल्हा बँकेकडून त्यास असमर्थता दर्शवली आहे. त्यामुळे सिंधुदूर्ग जिल्ह्यातील जिल्हा सहकारी बँकेच्या 102 शाखेतील वीजबिलांचा भरणा 1 फेब्रुवारीपासून बंद होणार आहे. मात्र ग्राहकांची गैरसोय टाळण्यासाठी 337 पोस्ट ऑफीस, 2 पतसंस्था, महावितरणची भरणा केंद्रे नियमितपणे कार्यरत आहेत. ही सर्व भरणा केंद्रे ऑनलाईन असल्याने कोणताही ग्राहक कोणत्याही केंद्रावर वीजबिल भरु शकतो. बील भरण्यासाठी मोबाईलवर मिळालेला वीजबिलाचा संदेश दाखविल्यास भरणा स्विकारला जातो.
ग्राहकांनी भरलेल्या वीजबिलाचे पैसे त्यांच्या खात्यावर तात्काळ वर्ग व्हावेत व महावितरणला कंपनीचा महसूल वेळेत मिळावा याकारणांसाठी महावितरणने राज्यातील सर्व वीजबिल भरणा केंद्रे ऑनलाईन केली आहेत. खाजगी पतसंस्था व खाजगी सहकारी बँकांनी ऑनलाईन प्रणाली स्विकारली आहे. मात्र जिल्हा बँकेकडून त्यास असमर्थता दर्शवली आहे. त्यामुळे सिंधुदूर्ग जिल्ह्यातील जिल्हा सहकारी बँकेच्या 102 शाखेतील वीजबिलांचा भरणा 1 फेब्रुवारीपासून बंद होणार आहे. मात्र ग्राहकांची गैरसोय टाळण्यासाठी 337 पोस्ट ऑफीस, 2 पतसंस्था, महावितरणची भरणा केंद्रे नियमितपणे कार्यरत आहेत. ही सर्व भरणा केंद्रे ऑनलाईन असल्याने कोणताही ग्राहक कोणत्याही केंद्रावर वीजबिल भरु शकतो. बील भरण्यासाठी मोबाईलवर मिळालेला वीजबिलाचा संदेश दाखविल्यास भरणा स्विकारला जातो.