दौंडमध्ये पोलिसांचा गावठी दारू अड्यावर छापा
पोलीस सूत्रांनी दिलेल्या माहितीनुसार, नांदूर गावच्या हद्दीत तळ्याजवळ गावठी दारू अड्डा सुरू असल्याची माहिती यवत पोलिसांना मिळाली होती. त्यानुसार पोलीस नाईक गजानन खत्री, मंगेश कदम, हरिष शितोळे यांच्या पथकाने अचानक दारू अड्यावर छापा टाकला.या छाप्यात गावठी दारू करण्यासाठी लागणारे 175 लिटर रसायन, दारू तयार करण्याची साधने असा एकूण 1 लाख 23 हजार 750 रुपयांचा मुद्देमाल पोलिसांनी जप्त केला आहे. यावेळी पोलिसांना पाहताच आरोपीने पोबारा गेला. पोलिसांनी आरोपी अक्षय गुडदावत विरोधात गुन्हा दाखल केला आहे. या प्रकरणाचा अधिक तपास पोलीस हवालदार के. डी. मोहिते करीत आहेत.
