मुलाने केली पित्याला मारहाण ;गुन्हा दाखल

प्रतिनिधी / श्रीगोंदे :- श्रीगोंदे तालुक्यातील हिरडगाव मध्ये राहणारे दगडू सोनबा दरेकर( वय ६५ ) हे घरातून निघून जावेत. म्हणून त्यांचा मुलगा बापू दरेकर यांनी आणि त्यांच्या पत्नीने केलेल्या बेदम मारहाणीत दगडू दरेकर यांचा एक हाथ तुटला होता. तर शरीरावर बेदम मारहाण केली. जखमी अवस्थेत त्यांना श्रीगोंदे ग्रामीण रुग्णालयात दाखल करण्यात आले होते. याबाबत दगडू दरेकर यांच्या फिर्यादवरुन त्यांचा मुलगा आणि सून यांच्या विरोधात मारहाणेचा गुन्हा दाखल करण्यात आला आहे . 
आपल्या वयोवृद्ध वडील घरातून निघून जावेत यासाठी आणि वडिलांकडे असलेली थोडे फार पैसे आपल्याला मिळावेत. यासाठी एकुलता एक मुलगा वारंवार मारहाण करत होता . मात्र दिनांक १७ रोजी सकाळी ९ वाजण्याच्या सुमारास तू घरातून कायमचा निघून जा. आम्ही तुला सांभाळणार नाही. तुझा आम्हाला काही उपयोग नाही. असे म्हणत हातातील काठीने बापू दरेकर याने आपले वडील दगडू दरेकर यांच्या डोक्यात , पाठीत , खान्द्यावर मारहाण केली . त्यांच्या गळ्यावर पाय ठेऊन मारण्याचा प्रयत्न केला . यावेळी दगडू दरेकर यांनी आरडाओरड केली, मात्र त्यावेळी कुणीच जवळ नसल्याने त्यांना आणखीनच मारले . काही वेळाने त्यांच्या आवाजाने जवळील नातेवाईक मदतीला आले त्यांनी दगडू दरेकर यांना श्रीगोंदे ग्रामीण रुग्णालयात उपचारासाठी दाखल केले . यानंतर श्रीगोंदे पोलिसांनी वयोवृद्ध दरेकर यांचे जबाब ग्रामीण रुग्णालयात जाऊन घेतले . दगडू दरेकर यांच्या फिर्यादीरन त्याचा एकुलता एक मुलगा बापू दरेकर आणि सून छाया दरेकर यांच्या विरोधात जबरी मारहाण केल्याचा गुन्हा दाखल करण्यात आला आहे . पुढील तपास पोलिस नाईक अनिल भरती करत आहेत .