मुंबई -खंडाळा सायकल शर्यतीत सुदर्शन, विवेक ठरले विजेते
खार येथून सुरु झालेल्या या शर्यतीचा चुनाभट्टीपर्यंत मार्ग हा न्यूट्रल झोन होता. त्यांनंतर मात्र शर्यतीत चांगली चुरस पहायला मिळाली. सकाळी लवकर शर्यत सुरु झाल्यामुळे थंड हवामानाचा फायदा मिळाल्यामुळे खोपोलीपर्यंत सर्व सायकलपटू एकत्रच होते. त्यामुळे स्पर्धेतील एकमेव प्राइम जिंकण्यासाठी सायकलपटूंनी जोरदार प्रयत्न केले. त्यात मक रंद मानेने 1 तास 13 मिनिटे 07 सेकंद अशी वेळ नोंदवत शेडुंग प्राईमचे पारितोषिक जिंकले. सायकलपटूंसाठी नेहमीच आवहनात्मक ठरलेल्या भोर घाटाने यावेळीही सायक लपटूची परीक्षा पाहिली. पण घाटाचे आव्हान सहज पेलवताना सुदर्शनने 2 तास 17 मिनिटे 05 सेकंद अशा वेळेत 90 किलोमीटरचे अंतर पार करत पहिले स्थान मिळवले. सुदर्शन पाठोपाठ विवेकने 2 तास 24 मिनिटामध्ये हे अंतर पूर्ण करत एमटीबी गटाचे विजेतेपद मिळवले.
