पोलिसांपासून बचाव करण्यासाठी चोरट्यांनी घरालाच लावली आग.

चोरी करण्यासाठी घरात घुसलेल्या दोन चोरट्यांनी पोलिसांपासून बचाव करण्यासाठी घरालाच आग लावल्याची घटना भायखळा पोलीस लाईन येथे घडली. फायर ब्रिगेडच्या मदतीने आग विझवून भायखळा पोलिसांनी दोघा चोरट्यांना अटक केली असून अधिक तपास सुरू आहे. 

भायखळा येथील गंगा बावडी पोलीस लाईन माझगाव येथे राहणारे राहुल केसर यांनी पोलिसांना माहिती दिली की, त्यांच्या घरात चोर शिरले आहेत. या माहितीवरून भायखळा पोलीस घटनास्थळी दाखल झाले. आपण पकडले जाणार या भीतीने दोघा सराईत चोरट्यांनी घराला आतून कडी लावून घेतली होती.