संमेलनाध्यक्षपदी निवड झाल्याबद्दल शिक्षणमंत्र्यांकडून लक्ष्मीकांत देशमुख यांचे अभिनंदन

ज्येष्ठ लेखक व माजी सनदी अधिकारी लक्ष्मीकांत देशमुख यांची अखिल भारतीय मराठी साहित्य संमेलनाच्या अध्यक्षपदी निवड झाल्याबद्दल शिक्षणमंत्री विनोद तावडे यांनी त्यांचे अभिनंदन केले.
श्री. देशमुख यांचे ऑक्टोपस, अंधेरनगरी, इन्कलाब आणि जिहाद इ. कादंबऱ्या व पाणी-पाणी, नंबर वन, कथांजली इ. कथासंग्रह प्रसिद्ध आहेत. ते उत्तम कथालेखक आहेत. महाराष्ट्राच्या ग्रामीण, अर्ध ग्रामीण जगाचं सजग भान व्यक्त करणारे लेखन त्यांनी केले आहे.