मोदी सरकारकडून जाहिरातीवर 3 हजार 755 कोटी खर्च माहिती अधिकारातून स्पष्ट
नवी दिल्ली : पंतप्रधान नरेंद्र मोदी सत्तेत येऊन साडेतीन वर्षांचा कालावधी लोटला आहे. मात्र या कालावधीत सरकारकडून जाहीरात बाजीवर तब्बल 3 हजार 755 कोटी रूपयांचा खर्च केल्याची माहिती समोर आली आहे. ग्रेटर नोएडामध्ये राहणारे सामाजिक कार्यकर्ते रामवीर तन्वर यांनी केलेल्या माहिती अधिकारातून ही बाब स्पष्ट झाली आहे. गुजरात निवडणूकांच्या पार्श्‍वभूमीवर विरोधक सरकारवर टीका करण्याची एकही संधी सोडत असतांना, ही माहिती समोर आल्याने विरोधकांच्या हातात आता आयते कोलीत मिळाले आहे. त्यामुळे पुन्हा एकदा सरकारला विरोधकांच्या हल्ल्याला सामोरे जावे लागण्याची शक्यता आहे.
केंद्र सरकारने दिलेल्या माहितीनुसार, सरकारने इलेक्ट्रॉनिक मीडिया, कम्युनिटी रेडिओ, एसएमएस यावर 1 हजार 656 कोटी रुपये खर्च केले. तर प्रिंट मीडियातील जाहिरातींवर केंद्राने 1 हजार 698 कोटी रुपये खर्च केले. त्याशिवाय होर्डिंग्स, पोस्टर्स, बुकलेट, कॅलेंडर्स यावर 399 कोटी रुपये खर्च केले. मोदी सरकारनं जाहिरातींवर खर्च केलेला पैसा हा काही मंत्रालयांच्या वार्षिक बजेटपेक्षा जास्त असल्याचं बोललं जात आहे. कारण, जून 2014 ते ऑगस्ट 2016 अशा दोन वर्षात केंद्रानं नरेंद्र मोदींच्या इमेज मेकओव्हरसाठी 1 हजार 100 कोटी रुपये खर्च केले.
तर 2015 या एका वर्षात ‘मन की बात’ कार्यक्रमाची पेपरमध्ये जाहिरात करण्यासाठी साडेआठ कोटी खर्च झाले. दरम्यान, 2015 मध्ये दिल्लीतल्या आम आदमी पक्षाने आपल्या सरकारच्या कामांची माहिती दिल्लीकरांना देण्यासाठी जाहिरातबाजीवर 529 कोटी रुपये खर्च केले होते. पण यावरुन काँग्रेस आणि भाजपने आपवर टीकेची झोड उठवली होती. मात्र, मोदी सरकारनेही तीन वर्षात जाहिरातबाजीवर 3 हजार 755 कोटी रुपयांची उधळण केल्याने, सरकारची जाहिरातबाजी वादाच्या भोवर्‍यात सापडण्याची चिन्हे आहेत.
केंद्र सरकारने दिलेल्या माहितीनुसार, सरकारने इलेक्ट्रॉनिक मीडिया, कम्युनिटी रेडिओ, एसएमएस यावर 1 हजार 656 कोटी रुपये खर्च केले. तर प्रिंट मीडियातील जाहिरातींवर केंद्राने 1 हजार 698 कोटी रुपये खर्च केले. त्याशिवाय होर्डिंग्स, पोस्टर्स, बुकलेट, कॅलेंडर्स यावर 399 कोटी रुपये खर्च केले. मोदी सरकारनं जाहिरातींवर खर्च केलेला पैसा हा काही मंत्रालयांच्या वार्षिक बजेटपेक्षा जास्त असल्याचं बोललं जात आहे. कारण, जून 2014 ते ऑगस्ट 2016 अशा दोन वर्षात केंद्रानं नरेंद्र मोदींच्या इमेज मेकओव्हरसाठी 1 हजार 100 कोटी रुपये खर्च केले.
तर 2015 या एका वर्षात ‘मन की बात’ कार्यक्रमाची पेपरमध्ये जाहिरात करण्यासाठी साडेआठ कोटी खर्च झाले. दरम्यान, 2015 मध्ये दिल्लीतल्या आम आदमी पक्षाने आपल्या सरकारच्या कामांची माहिती दिल्लीकरांना देण्यासाठी जाहिरातबाजीवर 529 कोटी रुपये खर्च केले होते. पण यावरुन काँग्रेस आणि भाजपने आपवर टीकेची झोड उठवली होती. मात्र, मोदी सरकारनेही तीन वर्षात जाहिरातबाजीवर 3 हजार 755 कोटी रुपयांची उधळण केल्याने, सरकारची जाहिरातबाजी वादाच्या भोवर्‍यात सापडण्याची चिन्हे आहेत.
