मुख्यमंत्री वैद्यकीय सहायता निधीमुळे 1 हजार 376 रुग्णांना मिळाले नवे जीवन
हृदयरोग, कर्करोग, ट्रामा व सीव्हीई या मेंदूच्या आजाराचे रुग्णांना उपचार मिळावा यासाठी मुख्यमंत्री वैद्यकीय सहायता निधी मुंबई व नागपूर येथे सुरु करण्यात आली आहे. समाजातील अत्यंत गरिब आणि 1 लाख रुपयापेक्षा ज्यांचे उत्पन्न कमी आहे अशांना दुर्धर आजारावर उपचार करता यावा यासाठी मुख्यमंत्री सहायता निधीमधून मदत देण्यात येते.
समाजातील अत्यंत गरिब व दुर्धर अशा आजारातील रुग्णांना उपचारासाठी सहाय्य मिळावे या हेतूने शासनाने ही योजना सुरु केली आहे. गरिब रुग्णांना शस्त्रक्रियेसाठी येणाऱ्या प्रचंड खर्चामुळे उपचारापासून वंचित राहू नये या हेतूने ही मदत देण्यात येत असून हृदय शस्त्रक्रिया, सर्व प्रकारचे कर्करोग, रस्ते अपघातात गंभीर जखमी झाल्यामुळे तातडीची डोक्यावरील शस्त्रक्रिया तसेच पन्नास वर्षाच्या आतील सीव्हीई (सेरेबेलर व्हेसकुलर ॲपीसोड) झालेले रुग्ण यांना मुख्यमंत्री सहायता निधीमधून उपचारासाठी हा निधी थेट संबंधित रुग्णालयांच्या बँक खात्यात जमा केली जाते. या निधीमुळे गरिब रुग्णांनाही तात्काळ व अत्यावश्यक शस्त्रक्रिया करुन रुग्णांना जीवनदान मिळत आहे.
