डॉ. आंबेडकर स्मारकाच्या पहिल्या टप्प्यातील बांधकामाचा उद्घाटन सोहळा संपन्न
नवी मुंबई महापालिकेच्या वतीने सेक्टर 15 ऐरोली येथे उभारण्यात येत असलेल्या भारतरत्न डॉ.बाबासाहेब आंबेडकर स्मारकाच्या पहिल्या टप्प्यातील बांधकामाचा उद्घाटन समारंभ आणि दुस-या टप्प्यातील बांधकामाचा शुभारंभ प्रसंगी उद्घाटक म्हणून ते आपले मनोगत व्यक्त करीत होते. त्यांनी आपल्या भाषणात बाबासाहेबांच्या जीवन चरित्राचा विस्तृत आढावा घेत नव्या भारताच्या उभारणीचा विचार करणारे अर्थशास्त्रज्ञ म्हणून बाबासाहेबांचे महत्वपूर्ण योगदान, स्वातंत्र्यपूर्व काळात कर पध्दती कशी असावी याबाबत त्यांनी काढलेला जन हिताय आदेश, कामगार हिताचे जे जे कायदे झाले त्यावर असलेला बाबासाहेबांच्या विचाराचा प्रभाव पाठबंधारे, विद्युत निर्मिती, दळणवळणाची साधने याविषयी त्यांनी केलेले दूरगामी विचार व त्याला दिलेले प्राधान्य अशा अनेक बाबींवर खा.शरदचंद्र पवार यांनी विविध दाखले देत विवेचन केले. अशा लोकोत्तर नेतृत्वाचे विचारधन आपल्या मुख्यमंत्री पदाच्या क ाळात 1978 साली 18 खंडात प्रसिध्द करता आले तसेच बाबासाहेबांच्या जीवन चरित्रावर आधारित चित्रपट निर्मितीत योगदान देता आले याचा त्यांनी अभिमानाने उल्लेख केला.
नवी मुंबई हे देशातील एक महत्वाचे शहर असून मोरबे धऱणासारखा महत्वपूर्ण निर्णय, 200 हून अधिक शहराचे पर्यावरण राखणारी उद्याने तसेच 70 हून अधिक मैदाने इतर शहरांपेक्षा नवी मुंबईचे वेगळेपण दाखवतात असे सांगत खा. पवार यांनी भारतरत्न डॉ. बाबासाहेब आंबेडकर यांचे हे स्मारकही शहराच्या नावलौकीकात मोठी भर घालणारे असल्याचे गौरवोद्गार काढले.
महापौर सुधाकर सोनवणे यांनी आपल्या मनोगतात बाबासाहेब हा समतेचा विचार आहे असे सांगत या या भव्यतम स्मारकाच्या उभारणीतून नवी मुंबईची एक नवी प्रतिमा जगभरात निर्माण होईल असा विश्वास व्यक्त केला.
