सरकारच्या विरोधात शेतकर्‍यांचा पुन्हा अक्रोश
यावेळी शांतारा कुंजीर, संपत फडके , संतोष नानवटे, अ‍ॅड.कमल सावंत, अनिल तागडे पाटील, विजय काकडे आदीसह शेतकरी मोठ्या संख्येने उपस्थित होते.
पुढे बोलताना कुंजीर म्हणाले की, मुख्यमंत्री देवेेंद्र फडणवीस यांनी जाहीर केलेली कर्जमाफी अपुरी असून ही कर्जमाफी आता कागदपत्रात अडकल्यामुळे बँकांचे अधिकारी सहकार खात्याचे अधिकारी संभ्रमावस्थेत आहेत. त्यामुळे शेतकर्‍यांना अजून या योजनेचा लाभ मिळालेला नाही. शेतकरी वर्गात अस्वस्थता आहे. आधारकार्ड ऑनलाईन प्रक्रिया तसेच वि विध नियम यामुळे बहुसंख्य शेतकरी कर्जमाफी योजनेपासुन वंचित राहिले आहेत. राज्यसरकारच्या अन्यायाकारक धोरणाचा निषेध करण्यासाठी दि.2 नोव्हेंबरपासून कानगांव येथून शेतकरी अक्रोश राज्यव्यापी असहकार संप सुरु करण्यात आला आहे. हे आंदोलन राज्यभर पसरण्यासाठी शेतकरी अक्रोश कृती समितीच्यावतीने जिल्हा निहाय बैठका व मेळावे घेण्यात येत आहेत.
शेती व पुरक व्यवसायांची कर्जमुक्ती करावी, शेती उत्पादनाला खर्चावर अधारीत भाव मिळावा, शेतकरी पती पत्नीला प्रतिमहा पाच हजार निवृत्ती वेतन देण्यात यावे, प्रगत देशामध्ये 1920 पासून लागू असलेला इर्मा कायदा शेकर्‍यांच्या हितासाठी लागू करावा अशी माणी केली आहे.
