संत एकनाथ रंगमंदीराच्या दुरावस्थेची दिवाळीच्या पहाटे चर्चा
संत तुकाराम नाट़यगृहातील रंगमंचाचा मुख्य पडदाच बंद आहे. मागील बाजूचे पडदेही नाहीत. म्युझिक यंत्रणा बंद आहे. अनेक ठिकाणची वायरिंग
दुरुस्तीला आलेली आहे. मुख्य सभागृहात प्रवेशापूर्वीच्या भागात छताच्या खाली लावलेले प्लास्टर ऑफ पॅरिसचे आच्छादन गळून पडले आहेत याची जाहिर चर्चा या वेळी झाली. तीन-चार महिन्यांपूर्वी अभिनेता सुमीत राघवन यांनी संत एकनाथ’च्या खिळखिळ्या झालेल्या फळ्यांची चित्रे फेसबुकवर टाकली होती याचा राग खासदार खैरे यांना आला होता. त्यानंतर शिवसेना आमदार संजय सिरसाट, खासदार चंद्रकांत खैरे यांनी भेट देऊन मदतीसाठी निधीची घोषणा केली. त्यानंतरही दुरुस्तीच्या कुठल्याही कामाला सुरुवात झालेली नाही. शहराच्या सिडको भागातील संत तुकाराम नाट़यगृहाचीही देखभालीअभावी कशी वाताहत झाली आहे, याचीहि चर्चा या वेळी झाली.
