दिल्ली निवडणुकीत शिवसेनेच्या 56 पैकी 55 उमेदवारांचं डिपॉझिट जप्त
दिल्ली महापालिकेच्या आखाड्यात 2 हजार 516 उमेदवार उतरले होते. यापैकी जवळपास 70 टक्के म्हणजे 1 हजार 790 उमेदवारांचं डिपॉझिट जप्त झालं आहे. यामध्ये आपच्या 40, तर काँग्रेसच्या 92 उमेदवारांचा समावेश आहे. डिपॉझिट जप्त झालेल्या उमेदवारांमध्ये भाजपच्या 5 जणांचा समावेश आहे. रिंगणात उतरलेल्या बसपच्या 192, जदयूच्या 94, तर शिवसेनेच्या 55 उमेदवारांवर अनामत रक्कम जप्त होण्याची वेळ आली आहे.
2012 मधील दिल्ली महापालिका निवडणुकीतही 1 हजार 782 उमेदवारांचं डिपॉझिट जप्त झालं होतं, अशी माहिती दिल्लीचे निवडणूक आयुक्त एस के श्रीवास्तव यांनी दिली.
