शोध व संशोधनानेच देश समृद्ध होईल - प्रकाश जावडेकर
जावडेकर म्हणाले, विज्ञान आणि तंत्रज्ञानाच्या विकासाबाबत पंतप्रधान नरेंद्र मोदी यांचे धोरण स्पष्ट आहे . देशात विज्ञानाचे वातावरण व्हायला हवे. संशोधनाच्या क्षमतांचा पूर्ण उपयोग व्हायला हवा आणि त्यासाठी सर्व विभागांच्या सहकार्याने आणखी आंतर विद्यापीठीय केंद्रे उभारली जातील असे त्यांनी सांगितले. दरम्यान, दुसर्‍या कार्यक्रमात अखिल भारतीय विद्यार्थी परिषदेच्या वतीने आयोजित राज्यातील विविध अभियांत्रिकी महाविद्यालयातील विद्यार्थ्यांनी आपल्या शोध प्रकल्पांची माहिती प्रकाश जावडेकर यांना दिली. यावेळी त्यांनी डीपेक्स 2017 मधील विजेत्यांशी संवाद साधला. यावेळी सावित्रीबाई फुले पुणे विद्यापीठाचे कुलगुरू डॉ. नितिन करमळकर आणि इतर मान्यवर उपस्थित होते. यावेळी एका स्मरणिकेचे प्रकाशन करण्यात आले.
