सत्तेत राहून भाजप सरकारवर अंकुश ठेवणार - उद्धव ठाकरे
या मेळाव्यात उद्धव ठाकरे काय बोलणार या कडे लक्ष लागले होते . शिवसेना सत्तेत बाहेर पडण्याची घोषणा आज होईल असे बोलले जात होते . मात्र ठाकरे यांनी तशी काहीच घोषणा केली नाही .
ठाकरे म्हणाले की , सर्वसामान्य माणसासाठी लढाई लढतोय . समोर कोण आहे याची पर्वा नाही . संपूर्ण देशाच्या कारभाराचा विचका झालाय. आम्हाला सत्तेत का आहात असे नेहमी विचारले जाते. आम्ही सरकारवर अंकुश ठेवण्यासाठी सत्तेत आहोत . आम्ही सत्तेत राहून जनतेसाठी सामान्यांच्या हिताचे निर्णय घ्यायला लावले आहेत . जीएसटी संदर्भात शिवसेनेने घेतलेल्या भूमिकेमुळे मुंबई महापालिकेचे आर्थिक नुकसान टळू शकले.
