तांबड्या मातीने रस्त्याची मलमपट्टी!
नगर-दौड हा रस्ता 70 किलोमीटर अतंराचा असून तालुक्यासाठी हा रस्ता अतिशय महत्त्वाचा आहे. हाच रस्ता पुढे दौंड बारामती, सोलापूर कडे जात असून या रस्त्याची मोठी दयनीय अवस्था झाली आहे. हा रस्ता व्हावा म्हणून तालुक्यात मोठे राजकारण झाले होते. संपूर्ण रस्ता अरुंद होऊन रस्त्यावर मोठे खड्डे पडल्यामुळे वाहन चालकांना या रस्त्यावर मोठी कसरत करावी लागते. समोरासमोर वाहन आल्यावर रस्त्याच्या खाली गाडी कोणी घ्यायची, यावरुनही वाद होतात. रात्रीच्या वेळी झालेल्या अपघातांमध्ये आतापर्यंत किमान 60 ते 70 लोकांचा बळी गेला आहे.
