महाबळेश्वर तालुक्यात कोयना पुनर्वसितांच्या विकासासाठी 15 कोटी 65 लाखाचा निधी
ते म्हणाले, कोयना बुडीत क्षेत्रातील पुनर्वसित गावातील जनतेला अपुर्या सोयीसुविधा तसेच दळणवळणाची कोणतीही सुविधा नसल्याने प्रकल्पग्रस्तांना अनेक गैरसोयींना सामोरे जावे लागते. तसेच विकासकामांपासून हे लोक वंचित आहेत. दरे, पिंपरी, आकल्पे, निवळी, लामज या कांदाटी खोर्यातील गावांना जोडण्यासाठी इतर जिल्हामार्ग 26 हा एकच मार्ग असल्याने या गावांना जाण्यासाठी दुसरा कोणताही रस्ता नसल्याने हा रस्ता व्हावा अशी परिसरातील नागरिकांची मागणी आहे. पुनर्वसित लोकांना न्याय मिळाला पाहिजे, येथील गावांचा विकास झाला पाहिजे, या भूमिकेतून सन 2014 पासून जिल्हा व मंत्रालय स्तरावर मंत्री, शासकीय अधिकारी यांच्यासमवेत बैठका घेऊन, पत्रव्यवहार करुन या रस्त्यासाठी निधी उपलब्ध करुन घेण्यात यश मिळाल्याची माहिती आ. मकरंद पाटील यांनी दिली.
