नवी दिल्ली, दि. 04, सप्टेंबर - नुतन रेल्वेमंत्री पीयुष गोयल यांच्या कार्यक्षमतेवर माझा पूर्ण विश्‍वास आहे. ते रेल्वे मंत्रालयात नवीन बदल घडवून आणतील आणि यशस्वीपणे या मंत्रालयाचा कारभार सांभाळतील, असा विश्‍वास माजी रेल्वेमंत्री सुरेश प्रभू यांनी व्यक्त केला आहे. केंद्रीय मंत्रिमंडळ विस्तारात पीयुष गोयल यांच्याकडे रेल्वे मंत्रालयाचा कारभार सोपवण्यात आला. त्यानंतर प्रभू यांनी आज दिल्लीत पत्रकार परिषद घेतली. त्यावेळी त्यांनी हा विश्‍वास व्यक्त केला.
आपल्या तीन वर्षाच्या कार्यकाळात रेल्वे अपघातांच्या संख्येत घट झाली. मागील पाच वर्षांचा विचार केला तर गेली तीन वर्षात रेल्वे अपघातांचे प्रमाण कमी होते. मात्र, एखादा अपघातही फार क्लेषकारक ठरतो. त्यामुळे माझ्या कार्यकाळातील अपघाताची जबाबदारी घेऊन मी राजीनामा दिला, असेही ते म्हणाले.
