राज्याच्या अनेक भागात पावसाचं जोरदार आगमन
तर तिकडे नवी मुंबईतही विजांच्या कडकडाटासह मुसळधार पाऊस बरसतो आहे. मध्यरात्री 2 च्या सुमारास विजांच्या कडकडांटासह पावसाला सुरुवात झाल्यानंतर कामोठे आणि आसपासच्या परिसरातील वीजपुरवठा खंडित करावा लागला. नाशिकमध्येही काल रात्री विजांच्या कडकडाटांसह मुसळधार पावसानं हजेरी लावली. पावसाचा जोर पाहता शहरातील अनेक भागांमधला वीजपुरवठा खंडीत झाला आहे. गेल्या दोन्ही वेळेस मुसळधार पावसामुळे नाशकात पूरपरिस्थिती ओढवली होती. त्यामुळे आता तिसर्‍यांदाही पावसाचा जोर पाहता नागरिकांना सर्तकतेचा इशारा देण्यात आला आहे. जोरदार पावसानं काल रात्री लातूरला अक्षरश: झोडपून काढलं. पावसाच्या जोरानं शहरातील नाना-नानी पार्क समोरील भेळच्या गाडीवर झाड कोसळलं, त्यामुळे रस्त्यावरील वाहतुकही बंद आहे. तसंच कोल्हेनगर, श्रीकृष्णनगर, कोयना रोड, बादाडे नगर आदी भागांमध्ये वीजपुरवठा खंडित झाला आहे.
