विधानसभा पंचायतराज समितीवर आ.राहुल बोंद्रे
आमदार राहुल बोंद्रे आपल्या चमकदार कामगिरीमुळे सर्व राज्याला सुपरीचीत झाले आहे. मागिल कार्यकाळातही त्यांच्या या कामगिरीमुळे त्यांना महाराष्ट्र शासनाच्या रोजगार हमी योजना समितीवर प्रतिनिधीत्व मिळाले होते. त्यांच्या दुसर्‍या टर्ममध्येही त्यांची दखल घेत विधानसभा अध्यक्ष नामदार हरीभाउ बागडे यांनी विधानसभा नियम 239 अन्वये नियुक्त केलेल्या पंचायत राज समितीवर त्यांची सदस्य म्हणून नियुक्ती केली आहे. पंचायत राज समिती ही राज्यभर महत्वपुर्ण समजली जाते, सदर समितीवर निवड झाल्यामुळे आता जिल्हयातील स्थानिक स्वराज्य संस्था संदर्भात अनेक महत्वाच्या निर्णयामध्ये आमदार राहुलभाउ बोंद्रे यांचा सहभाग असणार आहे. त्यांच्या नियुक्तीचे परीपत्रक विधानसभेचे प्रधान सचिव डॉ. अनंत कळसे यांनी दिनांक 24 ऑगस्ट रोजी सर्व संबंधीतांना पाठविले असून आमदार बोंद्रे यांच्या नियुक्तीचे सर्व थरातून स्वागत होते आहे.
