नवी दिल्ली, दि. 24, ऑगस्ट - मणिपूरचे माजी मुख्यमंत्री रिशांग किशिंग यांच्या निधनाबाबत पंतप्रधान नरेंद्र मोदी यांनी ट्विटरवरून शोक व्यक्त केला. किशिंग यांच्या निधनामुळे राजकीय क्षेत्राचे फार मोठे नुकसान झाले आहे. त्यांनी या क्षेत्रात पाय रोवण्यासाठी खुप मेहनत घेतली होती. त्यांच्या कुटुंबियांच्या दु:खात मी सहभागी आहे. त्यांचे राजकीय कार्य कायम स्मरणात राहील, अशा शब्दांत मोदी यांनी किशिंग यांना श्रद्धांजली अर्पण केली. किशिंग यांचे काल रात्री वयाच्या 96 व्या वर्षी निधन झाले.
