विविध क्षेत्रात अतिउत्कृष्ट कार्य करणार्‍या माजी सैनिक, पाल्यांसाठी विशेष गौरव पुरस्कार
माध्यमिक शालांत परीक्षा, उच्च् माध्यमिक परीक्षेमध्ये 90 टक्क्यापेक्षा जास्त गुण मिळविलेले व 2017-18 मध्ये पुढील शिक्षण घेत असलेले विद्यार्थी, राष्ट्रीय तसेच आंतरराष्ट्रीय पातळीवर खेळ, साहित्य, संगित, गायन, वादन, नृत्य आदी क्षेत्रात पुरस्कार विजेते,यशस्वी उद्योजक पुरस्कार मिळविणारे, पूर, आग, दरोडा, अपघात आदी नैसर्गिक आपत्तीमध्ये बहुमोल कामगिरी तसेच देश व राज्याची प्रतिष्ठा वाढवतील अशा स्वरुपाचे लक्षणीय काम करणार्‍या माजी सैनिक, माजी सैनिकांच्या विधवा पत्नी, पाल्य यांना हे पुरस्कार देण्यात येणार आहे.
राष्ट्रीय स्तरासाठी 10 हजार रुपये तर आंतरराष्ट्रीय स्तरासाठी 25 हजार रुपयांचा विशेष गौरव पुरस्कार प्रदान करण्यात येणार आहे. त्यासाठीचे अर्ज जिल्हा सैनिक कार्यालयात उपलब्ध आहेत. पात्रता धारकांनी अधिक माहितीसाठी जिल्हा सैनिक कल्याण कार्यालयाच्या 022-22700404 या दूरध्वनी क्रमांकावर संपर्क साधावा, असे जिल्हा सैनिक कल्याण अधिकार्‍यांनी कळविले आहे.
