“बेटी बचाओ, बेटी पढाओ’’ उपक्रमात सहकार्य फाऊंडेशन नेहमीच कटिबद्ध
याबाबत असे की, बुलडाणा जिल्ह्यातील मुलींचे प्रमाण दिवसेंदिवस घटत असून मुलीचा जन्मदर कमी झालेला आहे. ही बाब अत्यंत गंभीर असून यावर उपाय म्हणून सहकार्य फाऊंडेशनने आपला खारीचा वाटा उचलला आहे. शक्य तेवढ्या मुलींच्या नांवे ठेव ठेवून मुलीचा जन्मदर वाढविण्याला हातभार लावण्याचे महत्त्वपूर्ण व पवित्र कार्य सहकार्य फाऊंडेशनने हाती घेतले आहे. हिरकणी उत्कर्ष प्रतिष्ठानच्या संस्थापक अध्यक्षा तसेच हिरकणी महिला अर्बन पतसंस्थेच्या अध्यक्षा सौ. वृषालीताई बोंद्रे, नगर परिषद महिला व बालकल्याण सभापती सौ.अर्चनाताई खबुतरे, विवेकानंद क्लासेसच्या संचालिका सौ.शुभांगी इरतरकर यांच्या हस्ते सदर ठेव ठेवण्यात आली. चिखली येथील शिवानी गजानन सास्ते या नवजात मुलीच्या नांवे ठेव बँकेत ठेवण्यात आली. सदर कार्यक्रमाचे संचलन सुचित भराड यांनी तर आभार प्रदर्शन श्रीकांत सोळंकी यांनी केले. यावेळी सहकार्य फाऊंडेशनचे प्रा.नितीन वराडे, निलेश भुसारी, चेतन नागवानी, पंकज भारद्वाज, श्रेयश हरलालका, विजय म्हस्के, विनायक हरलालका यांच्यासह बँकेचे कर्मचारी वृंद उपस्थित होते.
